CNA
കൊച്ചി:
രണ്ട് ദിവസമായി അമ്മ കോംപ്ലക്‌സ് ഹാളില്‍ സംഘടിപ്പിച്ച നൃത്ത ശില്‍പശാലയുടെ സമാപന ചടങ്ങില്‍ മെഗാസ്റ്റാര്‍ മമ്മൂട്ടി മുഖ്യാതിഥിയായി പങ്കെടുത്തു.
നടനും സംവിധായകനുമായ ബേസില്‍ ജോസഫ് ചടങ്ങില്‍ സന്നിഹിതനായിരുന്നു.
ക്യാമ്പില്‍ പങ്കെടുത്തവര്‍ക്ക് മമ്മൂട്ടിയും ബേസിലും ചേര്‍ന്ന് സര്‍ട്ടിഫിക്കറ്റുകള്‍ സമ്മാനിച്ചു.
അമ്മ അംഗങ്ങളും ചടങ്ങില്‍ എത്തിയിരുന്നു.
ചലച്ചിത്ര താരം സരയു കോഓര്‍ഡിനേറ്റ് ചെയ്ത നൃത്ത ശില്‍പശാലയില്‍, രചന നാരായണന്‍കുട്ടിയുടെ നേതൃത്വത്തിലായിരുന്നു ക്ലാസ്.
ആദ്യമായി അമ്മ സംഘടിപ്പിച്ച വര്‍ക്ക്‌ഷോപ്പില്‍, ലഭിച്ച അപേക്ഷകരില്‍ നിന്നും തിരഞ്ഞെടുത്ത മുപ്പത്തിയൊന്ന് പേര്‍ പങ്കെടുത്തു. പന്ത്രണ്ടു വയസ് മുതല്‍ ഉള്ളവര്‍ പങ്കെടുത്ത ഈ ക്യാമ്പില്‍ ലണ്ടന്‍, ബാംഗ്ലൂര്‍, ബോംബേ എന്നിവിടങ്ങളില്‍ നിന്നുള്ളവരുണ്ടായിരുന്നു. കലാ സിനിമാ സ്‌നേഹികളായ പൊതു ജനങ്ങളെ ചേര്‍ത്തു നിര്‍ത്തി താര സംഘടനയായ അമ്മ സംഘടിപ്പിച്ച ഈ നൃത്ത ശില്പശാല ശനിയാഴ്ച അമ്മ പ്രസിഡന്റ് മോഹന്‍ ലാലാണ് ഉല്‍ഘാടന കര്‍മ്മം നിര്‍വഹിച്ചത്.
